Tese

Que mensaxe queremos mandar ao mundo co tema da nosa ópera? Que é coidar? Cómo coidamos? Que che gusta máis coidar ou ser coidado? A quen/que coidamos? Quen nos coida?

Elección do tema

Para profundizar no tema do que nos interesa que trate a nosa ópera, trouxemos a clase obxectos especiais para nós.

Reflexionamos sobre porqué é tan importante ese obxecto e que é o que nos fai sentir, aparecendo así as palabras que empregamos
para expresar os nosos sentimentos e emocións. De todas esas palabras eliximos a que nos parecía que representaba mellor o que sentíamos.

Despois analizamos todas as palabras que foran xordindo e démonos de conta de que moitas delas repetíanse.

Despois de moito debatir e consensuar, quedámonos con catro: coidar, mamá, amigos e alegría.

E logo tivemos que darlle outra volta, para escoller entre todo só unha.

Finalmente, a elexida foi COIDAR.

Obradoiro de relacións públicas

A profe Graci, que tivo un traballo relacionado co campo da publicidade, axudounos a comprender a importancia de dar a coñecer todo o traballo que estamos levando adiante, e para elo necesitamos contar con relacións públicas  na nosa compañía.

GRAZAS POR AXUDARNOS GRACI!

Obradoiro de iluminación

O papá de Nico, que é electricista, veu a explicarnos en qué cosiste esta profesións. Puidemos ver moitas das súas ferramentas e falounos de algún término propio do seu oficio.

Ademáis, ensinounos como podemos fabricar os nosos propios focos para á opera.

Obradoiro de escritura

Hoxe coñecimos a profesión de escritora, grazas á mamá dunha alumna do centro.
A ela gústalle escribir poesía  contounos que ten unhas "musas" que a visitan de vez en cando e que lle traen  a inspiración, polo que ten que levar sempre con ela un caderno no que ir anotando todas as cousas que se lle ocorren.

Grazas pola túa axuda!

Mercado de nadal

Para autofinanciar á compañía de ópera, decoramos uns portacandeas que vendemos xunto coas chapas co noso logo.
Tivemos que manexarnos cos cartos e a verdade é que o fixemos xenial. Ademáis aproveitamos para repartir información sobre o proxecto que estamos levando a cabo.

Obradoiro de interpretación

A nai de Darío, que é profe de baile, e máis a súa avoa, que é profe de canto, fixeron con nós un obradoiro de intrepretación, para poder comprender que fan os e as intérpretes dunha compañía de ópera.

Expresamos co noso corpo distintos estados que nos suxería a música, representamos animais e aprendemos moitas cousas ao tempo que nos divertíamos.

Dende aquí agradecemos a vosa colaboración.