Obradoiro de escritura

Hoxe coñecimos a profesión de escritora, grazas á mamá dunha alumna do centro.
A ela gústalle escribir poesía  contounos que ten unhas "musas" que a visitan de vez en cando e que lle traen  a inspiración, polo que ten que levar sempre con ela un caderno no que ir anotando todas as cousas que se lle ocorren.

Grazas pola túa axuda!

Mercado de nadal

Para autofinanciar á compañía de ópera, decoramos uns portacandeas que vendemos xunto coas chapas co noso logo.
Tivemos que manexarnos cos cartos e a verdade é que o fixemos xenial. Ademáis aproveitamos para repartir información sobre o proxecto que estamos levando a cabo.

Obradoiro de interpretación

A nai de Darío, que é profe de baile, e máis a súa avoa, que é profe de canto, fixeron con nós un obradoiro de intrepretación, para poder comprender que fan os e as intérpretes dunha compañía de ópera.

Expresamos co noso corpo distintos estados que nos suxería a música, representamos animais e aprendemos moitas cousas ao tempo que nos divertíamos.

Dende aquí agradecemos a vosa colaboración.

Obradoiro de dirección de produción

Unha compañía de ópera necesita ter unha directora ou director para e para iso contamos coa axuda da nai de Xiana, que é a directora do noso cole, para axudarnos a entender en que consiste a profesión de directora.

A través de varias dinámicas que nos propuxo, comprendimos que, ao traballar en equipo, precisamos que alguén nos dirixa e coordine.

Grazas pola axuda!

Visita ao Conservatorio de Ferrol

Para coñecer a profesión de compositor, desplazámonos ata o consrvatorio de Ferrol, onde traballa a nai de Nicolás como profe de violoncello.

Alí puidemos gozar dunha audición de obras de bandas sonoras de películas. Tamén escoitamos contos musicados e por último coñecimos instrumentos de percusión. Contáronnos que, con obxectos cotiás, tamén podemos facer música e iso pareceunos moi interesante para a nosa ópera.

Foi unha xornada moi divertida!